چھڑا پہلے پہل جب ساز ہستی

چھڑا پہلے پہل جب ساز ہستی

تو ہر پردے نے دی آواز ہستی

خیال یار تیرے صدقے جاؤں

ترے دم سے ہے سوز و ساز ہستی

میں مرنے کے لیے پیدا ہوا ہوں

مرا انجام ہے آغاز ہستی

سکون کائنات دل بقا ہے

اجل اک جنبش پرواز ہستی

مری خاک سحر کا ذرہ ذرہ

ہے بیدمؔ مخزن صد راز ہستی

chhura pahle pahal jab saz-e-hasti

to har parde ne di awaz-e-hasti

khayal-e-yar tere sadqe jaun

tire dam se hai soz-o-saz-e-hasti

main marne ke liye paida hua hun

mira anjam hai aghaz-e-hasti

sukun-e-kainat-e-dil baqa hai

ajal ik jumbish-e-parwaz-e-hasti

miri khak sahar ka zarra zarra

hai bedam makhzan-e-sad raz-e-hasti