چھیڑنے ہم کو یار آج آیا

چھیڑنے ہم کو یار آج آیا

بارے کچھ چہل پر مزاج آیا

تخت شاہی کا کس کو بھاتا ہے

خوش ہمیں فقر ہی کا تاج آیا

کشت دل فوج غم نے کی تاراج

تس پہ تو مانگنے خراج آیا

تو نے کیا کیا اسے بتنگ کیا

لے کے تجھ تک جو احتیاج آیا

کی دوا درد دل کی بہتیری

راس کوئی نہ پر علاج آیا

مر گیا کل ہی جرأتؔ بیمار

تو عیادت کو اس کی آج آیا

chherne ham ko yar aj aya

bare kuchh chahal par mizaj aya

takht-e-shahi ka kis ko bhata hai

khush hamen faqr hi ka taj aya

kisht-e-dil fauj-e-gham ne ki taraj

tis pe to mangne khiraj aya

tu ne kiya kya use batang kya

le ke tujh tak jo ehtiyaj aya

ki dawa dard-e-dil ki bahuteri

ras koi na par ilaj aya

mar gaya kal hi jurat-e-bimar

tu ayadat ko us ki aj aya