چھپا ہوں میں صدائے بانسلی میں

چھپا ہوں میں صدائے بانسلی میں

کہ تا جاؤں پری رو کی گلی میں

نہ تھی طاقت مجھے آنے کی لیکن

بزور آہ پہنچا تجھ گلی میں

عیاں ہے رنگ کی شوخی سوں اے شوخ

بدن تیرا قبائے صندلی میں

جو ہے تیرے دہن میں رنگ و خوبی

کہاں یہ رنگ یہ خوبی کلی میں

کیا جیوں لفظ میں معنی سریجن

مقام اپنا دل و جان ولیؔ میں

chhupa hun main sada-e-banasli mein

ke ta jaun pari ru ki gali mein

na thi taqat mujhe ane ki lekin

bazor-e-ah pahuncha tujh gali mein

ayan hai rang ki shokhi sun ai shokh

badan tera qaba-e-sandali mein

jo hai tere dahan mein rang-o-khubi

kahan ye rang ye khubi kali mein

kiya jyun lafz mein maani sirijin

maqam apna dil-o-jan-e-wali mein