چل نہیں سکتے وہاں ذہن رسا کے جوڑ توڑ

چل نہیں سکتے وہاں ذہن رسا کے جوڑ توڑ

ان کی چالیں ہیں قیامت کی بلا کے جوڑ توڑ

ہے نظر انداز کوئی کوئی منظور نظر

دیکھنا اس بت کی چشم فتنہ زا کے جوڑ توڑ

کج ادائی بات ہے جس کی لگاوٹ کھیل ہے

سیکھ لے اس فتنہ گر سے کوئی آ کے جوڑ توڑ

پا کے قابو کرتے ہیں اہل غرض کیا داؤں گھات

چلتے ہیں مطلب کی چالیں مدعا کے جوڑ توڑ

دوست بن کر کرتے ہیں نیکی کے پردے میں بدی

راج نیت یہ ہے دیکھو اغنیا کے جوڑ توڑ

سختیاں استاد ہیں انساں کی دنیا میں حبیبؔ

کرتے ہیں مغلوب کو غالب سکھا کے جوڑ توڑ

chal nahin sakte wahan zehn-e-rasa ke jor tor

un ki chalen hain qayamat ki bala ke jor tor

hai nazar andaz koi koi manzur-e-nazar

dekhna us but ki chashm-e-fitna za ke jor tor

kaj adai bat hai jis ki lagawat khel hai

sikh le is fitna gar se koi a ke jor tor

pa ke qabu karte hain ahl-e-gharaz kya daun ghat

chalte hain matlab ki chalen muddaa ke jor tor

dost ban kar karte hain neki ke parde mein badi

raj niyyat ye hai dekho aghniya ke jor tor

sakhtiyan ustad hain insan ki duniya mein habib

karte hain maghlub ko ghalib sikha ke jor tor