چلتے ہیں ہم بھی سوئے چمن چھا گئی گھٹا

چلتے ہیں ہم بھی سوئے چمن چھا گئی گھٹا

ساقی شراب لے کے پہنچ آ گئی گھٹا

جلوہ جو اگلے لطف کا دکھلا گئی گھٹا

اپنی نظر کے سامنے لہرا گئی گھٹا

پانی برس چکا تھا ابھی خوب باغ میں

دور شراب دیکھ کے پھر آ گئی گھٹا

اس سال آگے دیکھیے کرتی ہے کیا سلوک

اگلے برس تو خوب سا رلوا گئی گھٹا

ایسے خیال عیش میں ہوتے ہیں دن بسر

دیکھا جدھر اٹھا کے نظر چھا گئی گھٹا

اب بھی نہ مے کشی کا کروں شغل اے وحیدؔ

آئی بہار پھول کھلے چھا گئی گھٹا

chalte hain ham bhi su-e-chaman chha gai ghata

saqi sharab le ke pahunch a gai ghata

jalwa jo agle lutf ka dikhla gai ghata

apni nazar ke samne lahra gai ghata

pani baras chuka tha abhi khub bagh mein

daur-e-sharab dekh ke phir a gai ghata

is sal age dekhiye karti hai kya suluk

agle baras to khub sa rulwa gai ghata

aise khayal aish mein hote hain din basar

dekha jidhar utha ke nazar chha gai ghata

ab bhi na mai kashi ka karun shaghl ai wahid

ai bahar phul khule chha gai ghata