چلے تو کٹ ہی جائے گا سفر آہستہ آہستہ

چلے تو کٹ ہی جائے گا سفر آہستہ آہستہ

ہم اس کے پاس جاتے ہیں مگر آہستہ آہستہ

ابھی تاروں سے کھیلو چاند کی کرنوں سے اٹھلاؤ

ملے گی اس کے چہرے کی سحر آہستہ آہستہ

دریچوں کو تو دیکھو چلمنوں کے راز تو سمجھو

اٹھیں گے پردہ ہائے بام و در آہستہ آہستہ

زمانے بھر کی کیفیت سمٹ آئے گی ساغر میں

پیو ان انکھڑیوں کے نام پر آہستہ آہستہ

یوں ہی اک روز اپنے دل کا قصہ بھی سنا دینا

خطاب آہستہ آہستہ نظر آہستہ آہستہ

chale to kat hi jaega safar ahista ahista

ham us ke pas jate hain magar ahista ahista

abhi taron se khelo chand ki kirnon se ithlao

milegi us ke chehre ki sahar ahista ahista

darichon ko to dekho chilmanon ke raz to samjho

uthenge parda ha-e-bam-o-dar ahista ahista

zamane bhar ki kaifiyat simat aegi saghar mein

piyo in ankhriyon ke nam par ahista ahista

yun hi ik roz apne dil ka qissa bhi suna dena

khitab ahista ahista nazar ahista ahista