چشم ظاہر سے رخ یار کا پردہ دیکھا

چشم ظاہر سے رخ یار کا پردہ دیکھا

آنکھیں جب پھوٹ گئیں تب یہ تماشا دیکھا

دیکھنا یہ ہے کہ ہم نے تمہیں کیسا چاہا

پوچھنا یہ ہے کہ تم نے ہمیں کیسا دیکھا

پھر جلاؤ گے کبھی طالب دیدار کا خط

سیکڑوں آنکھوں سے اس نے تمہیں دیکھا دیکھا

کان وہ کان ہے جس نے تری آواز سنی

آنکھ وہ آنکھ ہے جس نے ترا جلوہ دیکھا

آپ کہتے ہیں کہ جا دیکھ لیا دل تیرا

کہیے تو اپنے سوا دل میں مرے کیا دیکھا

تم خبر بھی نہ ہوئے خانہ بدوشوں سے کبھی

ہم نے گھر پھونک دیا سب نے تماشا دیکھا

جن سے ہوں سوختہ جانوں کے کلیجے ٹھنڈے

انہیں جلووں سے حسنؔ طور کو جلتا دیکھا

chashm-e-zahir se rukh-e-yar ka parda dekha

ankhen jab phut gain tab ye tamasha dekha

dekhna ye hai ke ham ne tumhen kaisa chaha

puchhna ye hai ke tum ne hamen kaisa dekha

phir jalaoge kabhi talib-e-didar ka khat

saikron ankhon se us ne tumhen dekha dekha

kan wo kan hai jis ne tiri awaz suni

ankh wo ankh hai jis ne tira jalwa dekha

ap kahte hain ke ja dekh liya dil tera

kahiye to apne siwa dil mein mire kya dekha

tum khabar bhi na hue khana badoshon se kabhi

ham ne ghar phunk diya sab ne tamasha dekha

jin se hun sokhta janon ke kaleje thande

unhen jalwon se husn tur ko jalta dekha