چلتی رہی اس کوچے میں تلوار ہمیشہ

چلتی رہی اس کوچے میں تلوار ہمیشہ

لاشے ہی نکلتے رہے دو چار ہمیشہ

گل کھلتے رہیں چہچہے کرتا رہے بلبل

یارب رہے آباد یہ گل زار ہمیشہ

ہم رند ہوئے شاہد مقصود سے واصل

جھگڑے میں رہے کافر و دیں دار ہمیشہ

یاں تخم تمنا سے اگا کرتا ہے لالہ

گل کھاتے ہیں ہر فصل میں دو چار ہمیشہ

تڑپا کریں کوچے میں ترے سیکڑوں کشتے

رنگیں رہے خوں سے تری تلوار ہمیشہ

جو دیکھ رہے ہوں ترا دیدار ہمیشہ

مجھ تشنۂ دیدار کو کس روز چھکایا

پیاسا ہی رہا خوں کا وہ خونخوار ہمیشہ

مشتاقوں نے تیرے نہ لیا کوڑیوں کے مول

بکتا رہا یوسف سر بازار ہمیشہ

ہے زلف مسلسل تری یا دام بلا ہے

ہو رہتے ہیں دو چار گرفتار ہمیشہ

کیوں کر تو مسیحا ہوا مشہور جہاں میں

مرتے ہیں ترے ہاتھ سے بیمار ہمیشہ

ہنگامے نئے روز ہوا کرتے ہیں برپا

فتنے ہی اٹھاتی ہے وہ رفتار ہمیشہ

اے رندؔ جنوں میں بھی نہ صحرا کو گئے ہم

کھایا کئے پتھر سر بازار ہمیشہ

chalti rahi us kuche mein talwar hamesha

lashe hi nikalte rahe do char hamesha

gul khulte rahen chahchahe karta rahe bulbul

yarab rahe abad ye gul zar hamesha

ham rind hue shahid-e-maqsud se wasil

jhagre mein rahe kafir-o-din dar hamesha

yan tukhm-e-tamanna se uga karta hai lala

gul khate hain har fasl mein do char hamesha

tarpa karen kuche mein tire saikron kushte

rangin rahe khun se tiri talwar hamesha

jo dekh rahe hun tira didar hamesha

mujh tishna-e-didar ko kis roz chhakaya

pyasa hi raha khun ka wo khunkhwar hamesha

mushtaqon ne tere na liya kauriyon ke mol

bikta raha yusuf sar-e-bazar hamesha

hai zulf-e-musalsal tiri ya dam-e-bala hai

ho rahte hain do char giraftar hamesha

kyun kar to masiha hua mashhur jahan mein

marte hain tire hath se bimar hamesha

hangame nae roz hua karte hain barpa

fitne hi uthati hai wo raftar hamesha

ai rind-e-junun mein bhi na sahra ko gae ham

khaya kiye patthar sar-e-bazar hamesha