چلے بت خانے کو خدا حافظ

چلے بت خانے کو خدا حافظ

تم بھی زاہد کہو خدا حافظ

تیرے کوچے سے پیچ اٹھا کے چلے

گیسوۓ مشکبو خدا حافظ

دم عیسیٰ سے بھی شفا نہ ہوئی

لو بس اے ہمدمو خدا حافظ

ہے بہت زود رنج دل میرا

یار ہے تند خو خدا حافظ

اس صنم کو خدا کہوں نہ کہوں

ہے سخن گو مگو خدا حافظ

دل کو بت خانہ کر کے کعبے چلے

زاہدو زاہدو خدا حافظ

ہے فرنگن کے گورے ہاتھ میں دل

جان کا صاحبو خدا حافظ

دیر سے مثل نالۂ ناقوس

جاتے ہیں اے بتو خدا حافظ

بات بھی کی تو یہ کہا شب وصل

جائیں ہم تم کہو خدا حافظ

شہ خوباں کے غم میں جان چلی

اے وزیرؔ اب کہو خدا حافظ

chale but khane ko khuda hafiz

tum bhi zahid kaho khuda hafiz

tere kuche se pech utha ke chale

gesu-e-mushkbu khuda hafiz

dam-e-isa se bhi shifa na hui

lo bas ai hamdamo khuda hafiz

hai bahut zud ranj-e-dil mera

yar hai tund khu khuda hafiz

us sanam ko khuda kahun na kahun

hai sukhan go magu khuda hafiz

dil ko but khana kar ke kaabe chale

zahido zahido khuda hafiz

hai farnagn ke gore hath mein dil

jan ka sahabo khuda hafiz

der se misl-e-nala-e-naqus

jate hain ai buto khuda hafiz

bat bhi ki to ye kaha shab-e-wasl

jaen ham tum kaho khuda hafiz

shah-e-khuban ke gham mein jan chali

ai wazir ab kaho khuda hafiz