چلے لے کے سر پر گناہوں کی گٹھری

چلے لے کے سر پر گناہوں کی گٹھری

سفر میں یہ ہے رو سیاہوں کی گٹھری

پڑی روز محشر وہیں برق آ کر

جہاں تھی ترے دادخواہوں کی گٹھری

مسافر میں اس دشت کا ہوں کہ جس میں

لٹی کتنے گم کردہ راہوں کی گٹھری

جہاں سوس نے بحر سے سر نکالا

میں سمجھا ہے کشتی تباہوں کی گٹھری

کلاہ زری ماہ نو نے اڑا لی

کھلی تھی کہیں کج کلاہوں کی گٹھری

ہم ان سرقہ والوں میں اے مصحفیؔ ہیں

چراتے ہیں جو بادشاہوں کی گٹھری

chale le ke sar par gunahon ki gathri

safar mein ye hai ro siyahon ki gathri

pari roz-e-mahshar wahin barq a kar

jahan thi tire dadkhwahon ki gathri

musafir mein is dasht ka hun ke jis mein

luti kitne gum karda rahon ki gathri

jahan sos ne bahr se sar-e-nikala

main samjha hai kashti tabahon ki gathri

kulah-e-zari mah-e-nau ne ura li

khuli thi kahin kaj kulahon ki gathri

ham un sarqa walon mein ai mushafi hain

churate hain jo badshahon ki gathri