چلا آنکھوں سے جب کشتی میں وہ محبوب جاتا ہے

چلا آنکھوں سے جب کشتی میں وہ محبوب جاتا ہے

کبھی آنکھیں بھر آتی ہیں کبھی جی ڈوب جاتا ہے

کہو کیونکر نہ پھر ہووے گا دل روشن زلیخا کا

جہاں یوسف سا نور دیدۂ یعقوب جاتا ہے

جہاں کے خوب رو مجھ سے چرائیں کیوں نہ پھر آنکھیں

جو کوئی خورشید کو دیکھے سو وہ محجوب جاتا ہے

مرا آنسو بھی قاصد کی طرح اک دم نہیں رکتا

کسی بیتاب کا گویا لیے مکتوب جاتا ہے

یقیںؔ ہرگز کیا مت کر اتی تعریف لڑکوں کی

اسی باتوں ستی مضمون سا محبوب جاتا ہے

chala ankhon se jab kashti mein wo mahbub jata hai

kabhi ankhen bhar ati hain kabhi ji dub jata hai

kaho kyunkar na phir howe ga dil raushan zulekha ka

jahan yusuf sa nur-e-dida-e-yaaqub jata hai

jahan ke khub ru mujh se churaen kyun na phir ankhen

jo koi khurshid ko dekhe so wo mahjub jata hai

mira ansu bhi qasid ki tarah ik dam nahin rukta

kisi betab ka goya liye maktub jata hai

yaqin hargiz kiya mat kar iti taarif larkon ki

isi baton sati mazmun sa mahbub jata hai