چلتا نہیں فریب کسی عذر خواہ کا

چلتا نہیں فریب کسی عذر خواہ کا

دل ہے بغل میں یا کوئی دفتر گناہ کا

اب کیا لگے گا دل چمن روزگار میں

مارا ہوا ہے دیدۂ عبرت نگاہ کا

دنیا مقام ہو نظر آئے گی ناگہاں

ٹوٹے گا جب طلسم فریب نگاہ کا

دل کائنات عشق میں شاہوں کا شاہ ہے

مختار کل تمام سفید و سیاہ کا

ثابت ہوا کسی پہ نہ جرم وفا کبھی

پردہ کھلا نہ عشق سراپا گناہ کا

chalta nahin fareb kisi uzr khwah ka

dil hai baghal mein ya koi daftar gunah ka

ab kya lagega dil-e-chaman rozgar mein

mara hua hai dida-e-ibrat nigah ka

duniya maqam ho nazar aegi nagahan

tutega jab tilism-e-fareb-e-nigah ka

dil kainat-e-ishq mein shahon ka shah hai

mukhtar kal tamam safed-o-siyah ka

sabit hua kisi pe na jurm-e-wafa kabhi

parda khula na ishq-e-sarapa gunah ka