چلی اب گل کے ہاتھوں سے لٹا کر کارواں اپنا
مظہر جان جاناںچلی اب گل کے ہاتھوں سے لٹا کر کارواں اپنا
نہ چھوڑا ہائے بلبل نے چمن میں کچھ نشاں اپنا
یہ حسرت رہ گئی کیا کیا مزے سے زندگی کرتے
اگر ہوتا چمن اپنا گل اپنا باغباں اپنا
الم سے یاں تلک روئیں کہ آخر ہو گئیں رسوا
ڈوبایا ہائے آنکھوں نے مژہ کا خانداں اپنا
رقیباں کی نہ کچھ تقصیر ثابت ہے نہ خوباں کی
مجھے ناحق ستاتا ہے یہ عشق بدگماں اپنا
مرا جی جلتا ہے اس بلبل بیکس کی غربت پر
کہ جن نے آسرے پر گل کے چھوڑا آشیاں اپنا
جو تو نے کی سو دشمن بھی نہیں دشمن سے کرتا ہے
غلط تھا جانتے تھے تجھ کو جو ہم مہرباں اپنا
کوئی آزردہ کرتا ہے سجن اپنے کو ہے ظالم
کہ دولت خواہ اپنا مظہرؔ اپنا جان جاںؔ اپنا
chali ab gul ke hathon se luta kar karwan apna
na chhora hae bulbul ne chaman mein kuchh nishan apna
ye hasrat rah gai kya kya maze se zindagi karte
agar hota chaman apna gul apna baghban apna
alam se yan talak roen ke akhir ho gain ruswa
dubaya hae ankhon ne mizha ka khandan apna
raqiban ki na kuchh taqsir sabit hai na khuban ki
mujhe nahaq satata hai ye ishq-e-badguman apna
mira ji jalta hai is bulbul-e-bekas ki ghurbat par
ke jin ne asre par gul ke chhora ashiyan apna
jo tu ne ki so dushman bhi nahin dushman se karta hai
ghalat tha jante the tujh ko jo ham mehrban apna
koi azurda karta hai sajan apne ko hai zalim
ke daulat khwah apna mazhar apna jan jan apna