چراغ حسن ہے روشن کسی کا

چراغ حسن ہے روشن کسی کا

ہمارا خون ہے روغن کسی کا

ابھی نادان ہیں محشر کے فتنے

رہیں تھامے ہوئے دامن کسی کا

دل آیا ہے قیامت ہے مرا دل

اٹھے تعظیم دے جوبن کسی کا

یہ محشر اور یہ محشر کے فتنے

کسی کی شوخیاں بچپن کسی کا

ادائیں تا ابد بکھری پڑی ہیں

ازل میں پھٹ پڑا جوبن کسی کا

کیا تلوار نے گھونگھٹ مرے بعد

نہ منہ دیکھے گی یہ دلہن کسی کا

ہماری خاک محشر تک اڑی ہے

نہ ہاتھ آیا مگر دامن کسی کا

بجائے گل مری تربت پہ ہوں خار

کہ الجھے گوشۂ دامن کسی کا

بیاںؔ برق بلا چتون کسی کی

دل پر آرزو خرمن کسی کا

charagh-e-husn hai raushan kisi ka

hamara khun hai roghan kisi ka

abhi nadan hain mahshar ke fitne

rahen thame hue daman kisi ka

dil aya hai qayamat hai mira dil

uthe taazim de joban kisi ka

ye mahshar aur ye mahshar ke fitne

kisi ki shokhiyan bachpan kisi ka

adaen ta abad bikhri pari hain

azal mein phat para joban kisi ka

kya talwar ne ghunghat mire baad

na munh dekhegi ye dulhan kisi ka

hamari khak mahshar tak uri hai

na hath aya magar daman kisi ka

bajae gul miri turbat pe hun khar

ke uljhe gosha-e-daman kisi ka

bayan barq-e-bala chitwan kisi ki

dil par arzu khirman kisi ka