چاہتا ہوں پہلے خود بینی سے موت آئے مجھے

چاہتا ہوں پہلے خود بینی سے موت آئے مجھے

آپ کو دیکھوں خدا وہ دن نہ دکھلائے مجھے

آس کیا اب تو امید ناامیدی بھی نہیں

کون دے مجھ کو تسلی کون بہلائے مجھے

دل دھڑکتا ہے شب غم میں کہیں ایسا نہ ہو

مرگ بھی بن کر مزاج یار ترسائے مجھے

لے چلو للہ کوئی خضر مینا کے حضور

عالم گم گشتگی کی راہ بتلائے مجھے

اب تو جوش آرزو تسلیمؔ کہتا ہے یہی

روضۂ شاہ نجف اللہ دکھلائے مجھے

chahta hun pahle khud bini se maut ae mujhe

ap ko dekhun khuda wo din na dikhlae mujhe

as kya ab to ummid naummidi bhi nahin

kaun de mujh ko tasalli kaun bahlae mujhe

dil dharakta hai shab-e-gham mein kahin aisa na ho

marg bhi ban kar mizaj-e-yar tarsae mujhe

le chalo lillah koi khizr mina ke huzur

alam-e-gum gashtagi ki rah batlae mujhe

ab to josh-e-arzu taslim kahta hai yahi

rauza-e-shah-e-najaf allah dikhlae mujhe