تارے درد کے جھونکے بن کر آتے ہیں

تارے درد کے جھونکے بن کر آتے ہیں

ہم بھی نیند کی صورت اڑتے جاتے ہیں

جب انداز بہاروں کے یاد آتے ہیں

ہم کاغذ پر کیا کیا پھول بناتے ہیں

وقت کا پتھر بھاری ہوتا جاتا ہے

ہم مٹی کی صورت دیتے جاتے ہیں

کیا ذروں کا جوش صبا نے چھین لیا

گلشن میں کیوں یاد بگولے آتے ہیں

دنیا نے ہر بات میں کیا کیا رنگ بھرے

ہم سادہ اوراق الٹتے جاتے ہیں

دل ناداں ہے شاید راہ پہ آ جائے

تم بھی سمجھاؤ ہم بھی سمجھاتے ہیں

تم بھی الٹی الٹی باتیں پوچھتے ہو

ہم بھی کیسی کیسی قسمیں کھاتے ہیں

بیٹھ کے روئیں کس کو فرصت ہے باقیؔ

بھولے بسرے قصے یاد تو آتے ہیں

tare dard ke jhonke ban kar ate hain

ham bhi nind ki surat urte jate hain

jab andaz baharon ke yad ate hain

ham kaghaz par kya kya phul banate hain

waqt ka patthar bhari hota jata hai

ham mitti ki surat dete jate hain

kya zarron ka josh-e-saba ne chhin liya

gulshan mein kyun yad bagule ate hain

duniya ne har bat mein kya kya rang bhare

ham sada auraq ulatte jate hain

dil nadan hai shayad rah pe a jae

tum bhi samjhao ham bhi samjhate hain

tum bhi ulti ulti baten puchhte ho

ham bhi kaisi kaisi qasmen khate hain

baith ke roen kis ko fursat hai baqi

bhule basre qisse yad to ate hain