چاہت کی نظر آپ سے ڈالی بھی گئی ہے

چاہت کی نظر آپ سے ڈالی بھی گئی ہے

حسرت کسی عاشق کی نکالی بھی گئی ہے

تم نے کسی بیمار کو اچھا بھی کیا ہے

حالت کسی بگڑے کی سنبھالی بھی گئی ہے

تم کھیل سمجھتے ہو مگر یہ تو بتاؤ

آہ دل مضطر کبھی خالی بھی گئی ہے

کیا خاک کروں میں خلش عشق کا شکوہ

یہ پھانس کبھی تم سے نکالی بھی گئی ہے

جھگڑے بھی کہیں رشک رقابت کے مٹے ہیں

الفت میں کبھی خام خیالی بھی گئی ہے

مضطرؔ کو کبھی حسن کا صدقہ بھی دیا ہے

یہ بھیک کبھی آپ سے ڈالی بھی گئی ہے

chahat ki nazar ap se dali bhi gai hai

hasrat kisi ashiq ki nikali bhi gai hai

tum ne kisi bimar ko achchha bhi kiya hai

halat kisi bigre ki sambhali bhi gai hai

tum khel samajhte ho magar ye to batao

ah-e-dil muztar kabhi khali bhi gai hai

kya khak karun main khalish-e-ishq ka shikwa

ye phans kabhi tum se nikali bhi gai hai

jhagre bhi kahin rashk raqabat ke mite hain

ulfat mein kabhi kham khayali bhi gai hai

muztar ko kabhi husn ka sadqa bhi diya hai

ye bhik kabhi ap se dali bhi gai hai