چتون جو قہر کی ہے تو تیور جلال کے

چتون جو قہر کی ہے تو تیور جلال کے

مطلب یہ ہے کہ رکھ دے کلیجہ نکال کے

واعظ سے بحث بادہ و پیمانہ کیا کروں

کچھ لوگ رہ گئے ہیں پرانے خیال کے

سو داغ جن کے لائے ہیں زیر مزار ہم

احساں جتا رہے ہیں وہ دو پھول ڈال کے

پھر ڈھونڈھتا ہے دل خلش خار آرزو

پچھتا رہا ہوں دل سے یہ کانٹا نکال کے

یہ غم کدہ ہے اس میں مبارکؔ خوشی کہاں

غم کو خوشی بنا کوئی پہلو نکال کے

chitwan jo qahr ki hai to tewar jalal ke

matlab ye hai ke rakh de kaleja nikal ke

waiz se bahs-e-bada-o-paimana kya karun

kuchh log rah gae hain purane khayal ke

so dagh jin ke lae hain zer-e-mazar ham

ehsan jata rahe hain wo do phul dal ke

phir dhundhta hai dil-e-khalish khar-e-arzu

puchhta raha hun dil se ye kanta nikal ke

ye gham kada hai is mein mubarak khushi kahan

gham ko khushi bana koi pahlu nikal ke