چاہیئے دنیا نہ عقبیٰ چاہیئے

چاہیئے دنیا نہ عقبیٰ چاہیئے

جو تجھے چاہے اسے کیا چاہیئے

زندگی کیا جو بسر ہو چین سے

دل میں تھوڑی سی تمنا چاہیئے

تاب نظارہ ان آنکھوں کو کہاں

دیکھنے والوں سے پردا چاہیئے

مجھ کو دیکھو اور میری آرزو

اک حسیں اچھے سے اچھا چاہیئے

وہ بہت دیر آشنا ہے اے جلیلؔ

آشنائی کو زمانا چاہیئے

chahiye duniya na uqba chahiye

jo tujhe chahe use kya chahiye

zindagi kya jo basar ho chain se

dil mein thori si tamanna chahiye

tab nazzara in ankhon ko kahan

dekhne walon se parda chahiye

mujh ko dekho aur meri arzu

ik hasin achchhe se achchha chahiye

wo bahut der ashna hai ai jalil

ashnai ko zamana chahiye