چاندنی ہر شب کو کرتی ہے کنارا چاندنی

چاندنی ہر شب کو کرتی ہے کنارا چاندنی

تیرے خاطر منہ کو دکھلاتی ہے تارا چاندنی

آج مہتابی پہ چڑھتا ہے وہ بہر سیر ماہ

جانتا ہوں کچھ ترا چمکا ستارا چاندنی

بے ضرورت خوش نہیں آتی جہاں میں کوئی چیز

فصل سرما میں نہیں ہوتی گوارا چاندنی

تو چڑھا شب کو جو مہتابی پہ بہر چشم بد

آسماں سے اترے کرنے کو اتارا چاندنی

وصل کی شب کا سما آنکھوں میں چھایا ہے مرے

ماہرو دیکھے نہ پھر ویسے دوبارا چاندنی

روتے روتے ڈوبتا ہے جب شب فرقت میں دل

جانتا ہوں صاف دریا کا کنارا چاندنی

chandni har shab ko karti hai kinara chandni

tere khatir munh ko dikhlati hai tara chandni

aj mahtabi pe charhta hai wo bahr-e-sair-e-mah

janta hun kuchh tira chamka sitara chandni

be zarurat khush nahin ati jahan mein koi chiz

fasl-e-sarma mein nahin hoti gawara chandni

tu charha shab ko jo mahtabi pe bahr-e-chashm-e-bad

asman se utre karne ko utara chandni

wasl ki shab ka sama ankhon mein chhaya hai mire

mahru dekhe na phir waise dobara chandni

rote rote dubta hai jab shab-e-furqat mein dil

janta hun saf dariya ka kinara chandni