پھرتی ہے جستجو میں نسیم وطن کہاں

پھرتی ہے جستجو میں نسیم وطن کہاں

اب میں خزاں رسیدہ کہاں اور چمن کہاں

اس دور میں وفا کی رسوم کہن کہاں

منصور بھی اب آئے تو دار و رسن کہاں

آتا ہے کون ہجر میں اے ذوق انتظار

دور خزاں میں صدر نشین چمن کہاں

میرے غرور عشق میں بے گانگی سہی

لیکن تری نگاہ کا بیگانہ پن کہاں

خود ہی مٹا سکے تو مٹا اے رضائے دوست

ڈھونڈے کوئی وسیلۂ دار و رسن کہاں

میں اور تیری انجمن ناز کی تلاش

میرے لیے وہ جنت سرو و سمن کہاں

گو زمزمے ہزار ہیں لیکن سوائے عشق

حاصل کسی سے لذت کام و دہن کہاں

شیرازہ بند دیر و حرم ہے مرا نیاز

جو میں نہ ہوں تو شیخ کہاں برہمن کہاں

جیب سمن دریدہ گریبان لالہ چاک

محفوظ اس نظر سے کوئی پیرہن کہاں

جو ان کی رہ گزر میں پڑے تھے پڑے رہے

جاتے ظفرؔ یہ خلوتیان چمن کہاں

phirti hai justuju mein nasim-e-watan kahan

ab main khizan rasida kahan aur chaman kahan

is daur mein wafa ki rusum-e-kuhan kahan

mansur bhi ab ae to dar-o-rasan kahan

ata hai kaun hijr mein ai zauq-e-intizar

daur-e-khizan mein sadr-e-nashin-e-chaman kahan

mere ghurur-e-ishq mein be gangi sahi

lekin tiri nigah ka begana pan kahan

khud hi mita sake to mita ai raza-e-dost

dhunde koi wasila-e-dar-o-rasan kahan

main aur teri anjuman-e-naz ki talash

mere liye wo jannat-e-sarw-o-saman kahan

go zamzame hazar hain lekin siwae ishq

hasil kisi se lazzat-e-kam-o-dahan kahan

shiraza band-e-dair-o-haram hai mira niyaz

jo main na hun to shaikh kahan barahman kahan

jeb-e-saman darida gareban-e-lala chak

mahfuz is nazar se koi pairahan kahan

jo un ki rah guzar mein pare the pare rahe

jate zafar ye khalwatiin chaman kahan