پھر حشر کے پردہ میں تقدیر نظر آئی

پھر حشر کے پردہ میں تقدیر نظر آئی

آئینۂ وحشت میں تصویر نظر آئی

جب قید سے ہم چھوٹے تدبیر نظر آئی

جب پائے جنوں ٹوٹے زنجیر نظر آئی

اے مرگ رگ و پے کو دے مژدۂ سیرابی

زہرابۂ حرماں میں تاثیر نظر آئی

ہر حرف عمل نامہ کس شان سے بول اٹھا

تحریر کے پردے میں تقریر نظر آئی

طرف جگر و دل میں تھی یاس کی آبادی

ویرانے کے پہلو میں تعمیر نظر آئی

افسون کرم دیکھو انداز ستم دیکھو

ہر موج شکر خندہ شمشیر نظر آئی

کونین سے آزادی تسخیر نظر آئی

اس ہستیٔ وہمی نے اسرار یقیں کھولے

کیا خواب نظر آیا تعبیر نظر آئی

اندوہ وفا اول دل سوز نظر آیا

خاکستر دل آخر اکسیر نظر آئی

phir hashr ke parda mein taqdir nazar ai

aina-e-wahshat mein taswir nazar ai

jab qaid se ham chhote tadbir nazar ai

jab pae junun tute zanjir nazar ai

ai marg rag-o-pe ko de muzhda-e-sairabi

zahraba-e-hirman mein tasir nazar ai

har harf-e-amal nama kis shan se bol utha

tahrir ke parde mein taqrir nazar ai

taraf jigar-o-dil mein thi yas ki abadi

wirane ke pahlu mein taamir nazar ai

afsun-e-karam dekho andaz-e-sitam dekho

har mauj shakar khanda shamshir-e-nazar ai

kaunain se azadi taskhir nazar ai

is hasti-e-wahmi ne asrar-e-yaqin khole

kya khwab nazar aya taabir nazar ai

andoh-e-wafa awwal dil soz-e-nazar aya

khakistar dil akhir iksir nazar ai