تاب کو آفتاب میں دیکھا

تاب کو آفتاب میں دیکھا

آب موج سراب میں دیکھا

روئے زیبائے یار کو ہم نے

شیخ جی کے نقاب میں دیکھا

رنگ بیچوں و بیچگونی کو

مثل دریا حباب میں دیکھا

ایک نکتے میں بحر علم جہاں

تیرے رخ کی کتاب میں دیکھا

مجھ میں اس طرح تو ہے پوشیدہ

جیسے بو کو گلاب میں دیکھا

خویش و بیگانہ کی خبر نہ رہی

تم کو جیسے کہ خواب میں دیکھا

تیری مستیٔ عشق میں ساقی

جسم جام شراب میں دیکھا

برق کہتے ہیں اے قمرؔ جس کو

وہی جلوہ عتاب میں دیکھا

tab ko aftab mein dekha

ab mauj-e-sarab mein dekha

roe zeba-e-yar ko ham ne

shaikh ji ke naqab mein dekha

rang bechun-o-bichguni ko

misl-e-dariya habab mein dekha

ek nukte mein bahr-e-ilm jahan

tere rukh ki kitab mein dekha

mujh mein is tarah to hai poshida

jaise bu ko gulab mein dekha

khwesh-o-begana ki khabar na rahi

tum ko jaise ke khwab mein dekha

teri masti-e-ishq mein saqi

jism jam-e-sharab mein dekha

barq kahte hain ai qamar jis ko

wahi jalwa itab mein dekha