پھول جتنے ہیں تمہارے ہار میں

پھول جتنے ہیں تمہارے ہار میں

سب گندھے ہیں آنسوؤں کے تار میں

جس نے چاہا تجھ کو سر گرداں رہا

دشت میں کوئی کوئی کہسار میں

دل کے ٹکڑے او ستم گر باندھ لے

کوئی خنجر میں کوئی تلوار میں

ہر جگہ ہیں چاہنے والے ترے

کوئی صحرا میں کوئی گل زار میں

ہے جگہ سر پھوڑ لینے کو بہت

کیا دھرا ہے آپ کی دیوار میں

تو اگر دم بھر کو آ جائے مسیح

جان آ جائے ترے بیمار میں

جو بنے اے چرخ وہ ہم پر بنے

پر نہ فرق آئے تری رفتار میں

آنکھوں ہی آنکھوں میں اے انجمؔ کٹی

رات ساری انتظار یار میں

phul jitne hain tumhare har mein

sab gindhe hain ansuon ke tar mein

jis ne chaha tujh ko sar gardan raha

dasht mein koi koi kohsar mein

dil ke tukre o sitam gar bandh le

koi khanjar mein koi talwar mein

har jagah hain chahne wale tire

koi sahra mein koi gul zar mein

hai jagah sar phor lene ko bahut

kya dhara hai ap ki diwar mein

tu agar dam bhar ko a jae masih

jan a jae tire bimar mein

jo bane ai charkh wo ham par bane

par na farq ae tiri raftar mein

ankhon hi ankhon mein ai anjum kati

rat sari intizar-e-yar mein