پھر مزاج اس رند کا کیونکر ملے

پھر مزاج اس رند کا کیونکر ملے

جس کو اس کے ہاتھ سے ساغر ملے

یہ بھی ملنا ہے کہ بعد از صد تلاش

حد وہم و فہم سے باہر ملے

کچھ نہ پوچھو کیسی نفرت ہم سے ہے

ہم ہیں جب تک وہ ہمیں کیونکر ملے

میری آنکھیں اور اس کی خاک پا

تیرے کوچے کا اگر رہبر ملے

وصل ہے سر جوش صہبائے فنا

پھر اگر کوئی ملے کیونکر ملے

ملنے کے پہلے فنا ہونا ضرور

پھر فنا جو ہو گیا کیونکر ملے

آسیؔ گریاں ملا محبوب سے

گل سے شبنم جس طرح رو کر ملے

phir mizaj is rind ka kyunkar mile

jis ko us ke hath se saghar mile

ye bhi milna hai ke baad az sad talash

had-e-wahm-o-fahm se bahar mile

kuchh na puchho kaisi nafrat ham se hai

ham hain jab tak wo hamen kyunkar mile

meri ankhen aur us ki khak-e-pa

tere kuche ka agar rahbar mile

wasl hai sar josh-e-sahba-e-fana

phir agar koi mile kyunkar mile

milne ke pahle fana hona zarur

phir fana jo ho gaya kyunkar mile

asi giryan mila mahbub se

gul se shabnam jis tarah ro kar mile