پھر یہ کیسا ادھیڑ بن سا لگا

پھر یہ کیسا ادھیڑ بن سا لگا

جان غم دیدہ کو جو گھن سا لگا

اس گلی میں جو میں اٹھا گاہے

پائے خوابیدہ مجھ کو سن سا لگا

اس نے جس وقت اور سر کھینچا

نخل قد اس کا سرو بن سا لگا

اس کے چھلے کے ہیں جو گل کھائے

داغ ہر اک بدن پہ ہن سا لگا

آخر عمر اپنی نظروں میں

جامۂ زندگی کہن سا لگا

کشتیٔ چشم تر کھنچی ہے ادھر

ہے جدھر تار اشک گن سا لگا

یار دھرماتما کا پیار کے ساتھ

بوسہ دینا بھی مجھ کو پن سا لگا

جب دل سوختہ پہ زخم مژہ

نظر آیا وہ صاف پن سا لگا

میں سنا مصحفیؔ کو پیری میں

مجھ کو خیلے وہ خوش سخن سا لگا

phir ye kaisa adher ban sa laga

jan-e-gham dida ko jo ghin sa laga

us gali mein jo main utha gahe

pae khwabida mujh ko sun sa laga

us ne jis waqt aur sar khincha

nakhl-e-qad us ka sarw ban sa laga

us ke chhile ke hain jo gul khae

dagh har ik badan pe han sa laga

akhir-e-umr apni nazron mein

jama-e-zindagi kuhan sa laga

kashti-e-chashm-e-tar khinchi hai idhar

hai jidhar tar-e-ashk gin sa laga

yar dharmatma ka pyar ke sath

bosa dena bhi mujh ko pan sa laga

jab dil-e-sokhta pe zakhm-e-mizha

nazar aya wo saf pan sa laga

main suna mushafi ko piri mein

mujh ko khile wo khush sukhan sa laga