تاب دیدار لا نہیں سکتے

تاب دیدار لا نہیں سکتے

ان سے نظریں ملا نہیں سکتے

راز دل اب چھپا نہیں سکتے

اور زباں پر بھی لا نہیں سکتے

دل میں رہتی ہے اک خلش پیہم

جس کو ہم خود بتا نہیں سکتے

جرأت دل کہاں کہاں جلوے

ہوش میں ہم اب آ نہیں سکتے

دل میں ایسے بھی چند شکوے ہیں

جو زباں پر بھی لا نہیں سکتے

عرش رس تھے کبھی یہی نالے

آج لب تک بھی آ نہیں سکتے

چل رہی ہے ہوا وہ گلشن میں

آشیاں تک بنا نہیں سکتے

مصلحت کچھ تو ہے منیرؔ اس میں

ورنہ کیا خود وہ آ نہیں سکتے

tab-e-didar la nahin sakte

un se nazren mila nahin sakte

raz-e-dil ab chhupa nahin sakte

aur zaban par bhi la nahin sakte

dil mein rahti hai ik khalish paiham

jis ko ham khud bata nahin sakte

jurat-e-dil kahan kahan jalwe

hosh mein ham ab a nahin sakte

dil mein aise bhi chand shikwe hain

jo zaban par bhi la nahin sakte

arsh ras the kabhi yahi nale

aj lab tak bhi a nahin sakte

chal rahi hai hawa wo gulshan mein

ashiyan tak bana nahin sakte

maslahat kuchh to hai munir is mein

warna kya khud wo a nahin sakte