پھر ملے ہم ان سے پھر یاری بڑھی

پھر ملے ہم ان سے پھر یاری بڑھی

اور الجھا دل گرفتاری بڑھی

مہربانی چارہ سازوں کی بڑھی

جب بڑھا درماں تو بیماری بڑھی

ہجر کی گھڑیاں کٹھن ہوتی گئیں

دن کے نالے رات کی زاری بڑھی

پھر تصور میں کسی کے نیند اڑی

پھر وہی راتوں کی بے داری بڑھی

سختیاں راہ محبت کی نہ پوچھ

ہر قدم اک تازہ دشواری بڑھی

خیر ساقی کی سلامت مے کدہ

جس قدر پی اتنی ہشیاری بڑھی

دور دورے ہیں مبارکؔ جام کے

انتہا کی اپنی مے خواری بڑھی

phir mile ham un se phir yari barhi

aur uljha dil giraftari barhi

mehrbani chara sazon ki barhi

jab barha darman to bimari barhi

hijr ki ghariyan kathin hoti gain

din ke nale rat ki zari barhi

phir tasawwur mein kisi ke nind uri

phir wahi raton ki be dari barhi

sakhtiyan rah-e-mohabbat ki na puchh

har qadam ik taza dushwari barhi

khair saqi ki salamat mai kada

jis qadar pi itni hushyari barhi

dur daure hain mubarak jam ke

intiha ki apni mai khwari barhi