پھر الجھتے ہیں وہ گیسو کی طرح

پھر الجھتے ہیں وہ گیسو کی طرح

پھر کجی پر ہیں وہ ابرو کی طرح

شہر وحشت میں کہاں گھر کیسا

دشت میں رہتے ہیں آہو کی طرح

حسن اور عشق کو آؤ تولیں

دونوں آنکھوں سے ترازو کی طرح

مجھ کو آنکھوں میں جگہ دو چندے

پھر گرا دیجیو آنسو کی طرح

نہ کہوں گا کہ سنوارو زلفیں

پھر الجھ جائیں گے گیسو کی طرح

اے سخیؔ پھرتی ہے کس خال کی شکل

سامنے آنکھ کے بچھو کی طرح

phir ulajhte hain wo gesu ki tarah

phir kaji par hain wo abru ki tarah

shahr wahshat mein kahan ghar kaisa

dasht mein rahte hain ahu ki tarah

husn aur ishq ko ao tolen

donon ankhon se tarazu ki tarah

mujh ko ankhon mein jagah do chande

phir gira dijiyo ansu ki tarah

na kahunga ke sanwaro zulfen

phir ulajh jaenge gesu ki tarah

ai sakhi phirti hai kis khal ki shakl

samne ankh ke bichho ki tarah