پھر اعتبار عشق کے قابل نہیں رہا

پھر اعتبار عشق کے قابل نہیں رہا

جو دل تری نظر سے گرا دل نہیں رہا

نشتر چبھوئے اب نہ پشیمانئ نگاہ

مجھ کو تو شکوۂ خلش دل نہیں رہا

موجیں ابھار کر مجھے جس سمت لے چلیں

حد نگاہ تک کہیں ساحل نہیں رہا

کیا کہئے اب مآل محبت کی سرگزشت

یاد اس کی رہ گئی ہے مگر دلؔ نہیں رہا

phir etibar-e-ishq ke qabil nahin raha

jo dil tiri nazar se gira dil nahin raha

nashtar chubhoe ab na pashemani-e-nigah

mujh ko to shikwa-e-khalish-e-dil nahin raha

maujen ubhar kar mujhe jis samt le chalen

had-e-nigah tak kahin sahil nahin raha

kya kahiye ab maal-e-mohabbat ki sarguzasht

yad us ki rah gai hai magar dil nahin raha