پھر بہار آئی مرے صیاد کو پروا نہیں

پھر بہار آئی مرے صیاد کو پروا نہیں

اڑ کے میں پہنچوں چمن میں کیا کروں پر وا نہیں

جی جلا کر ایک بوسہ مانگتے ہیں بار سے

آگے یا قسمت وہ دیکھیں ہاں کرے ہے یا نہیں

حسرت و حرمان و یاس و حیرت رنج و تعب

کیا کہوں اس ہجر میں کیا کیا ہے اور کیا کیا نہیں

ہر کسی سے لگ چلے کیا ذکر ہے امکان کیا

ہم اسے پہچانتے ہیں خوب وہ ایسا نہیں

چار عنصر کی غزل رنگیںؔ کہو تم دوسری

ہے قسم تم کو علی جی کی یہ مت کہنا نہیں

phir bahar ai mire sayyad ko parwa nahin

ur ke main pahunchun chaman mein kya karun par wa nahin

ji jala kar ek bosa mangte hain bar se

age ya qismat wo dekhen han kare hai ya nahin

hasrat-o-hirman-o-yas-o-hairat-e-ranj-o-taab

kya kahun is hijr mein kya kya hai aur kya kya nahin

har kisi se lag chale kya zikr hai imkan kya

ham use pahchante hain khub wo aisa nahin

char unsar ki ghazal rangin kaho tum dusri

hai qasam tum ko ali ji ki ye mat kahna nahin