پالا امید و بیم سے ناگاہ پڑ گیا

پالا امید و بیم سے ناگاہ پڑ گیا

دل کا بنا بنایا گھروندا اجڑ گیا

الٹی تھی مت زمانۂ مردہ پرست کی

میں ایک ہوشیار کہ زندہ ہی گڑ گیا

شربت کا گھونٹ جان کے پیتا ہوں خون دل

غم کھاتے کھاتے منہ کا مزہ ہی بگڑ گیا

ایسے کے پاؤں چومئے یا پیار کیجیے

قدموں پہ میں جھکا تو وہ دونا اکڑ گیا

دونوں کے دل سے پوچھئے انجام کار عشق

سل گھستے گھستے گھس گئی بٹا رگڑ گیا

کھینچی جو صدق دل سے اسیروں نے آہ سرد

پھر کیا تھا پاؤں باد خزاں کا اکھڑ گیا

اللہ ری کشاکش دیر و حرم کہ یاسؔ

حیرت کے مارے بیچ دوراہے پہ گڑ گیا

pala ummid-o-bim se nagah par gaya

dil ka bana banaya gharaunda ujar gaya

ulti thi mat zamana-e-murda parast ki

main ek hoshyar ke zinda hi gur gaya

sharbat ka ghunt jan ke pita hun khun-e-dil

gham khate khate munh ka maza hi bigar gaya

aise ke paon chumiye ya pyar kijiye

qadmon pe main jhuka to wo duna akkar gaya

donon ke dil se puchhiye anjam-e-kar-e-ishq

sil ghiste ghiste ghis gai bata ragar gaya

khinchi jo sidq-e-dil se asiron ne ah-e-sard

phir kya tha paon bad-e-khizan ka ukhar gaya

allah ri kashakash-e-dair-o-haram ke yas

hairat ke mare bich dorahe pe gur gaya