پانی پانی ہو گیا جوش ابر دریا بار کا

پانی پانی ہو گیا جوش ابر دریا بار کا

دیکھ کر طوفاں ہمارے دیدہ ہائے زار کا

چشم ہمدردی مریض عشق ان آنکھوں سے نہ رکھ

کام کیا نکلے بھلا بیمار سے بیمار کا

دل سے ہمدم نے رہ الفت میں یہ دھوکا دیا

کیا کرے اب کوئی دنیا میں بھروسا یار کا

دل دیا جس کو اسی نے داغ مایوسی دیا

راس ہی آیا نہ ہم کو ہائے کرنا پیار کا

یا مٹایا اس کا لکھوایا میں خود ہی مٹ گیا

اے مقدر اب تو یہ سر اور در ہے یار کا

ہم نے کیفیؔ خوب ہی آنکھیں لڑائیں اس سے کل

کر دیا سارا ہرن نشہ نگاہ یار کا

pani pani ho gaya josh-e-abr-e-dariya bar ka

dekh kar tufan hamare dida ha-e-zar ka

chashm-e-hamdardi mariz-e-ishq in ankhon se na rakh

kam kya nikle bhala bimar se bimar ka

dil se hamdam ne rah-e-ulfat mein ye dhoka diya

kya kare ab koi duniya mein bharosa yar ka

dil diya jis ko usi ne dagh mayusi diya

ras hi aya na ham ko hae karna pyar ka

ya mitaya us ka likhwaya mein khud hi mit gaya

ai muqaddar ab to ye sar aur dar hai yar ka

ham ne kaifi khub hi ankhen laraen us se kal

kar diya sara hiran nasha nigah-e-yar ka