پانی میں آگ دھیان سے تیرے بھڑک گئی

پانی میں آگ دھیان سے تیرے بھڑک گئی

آنسو میں کوندتی ہوئی بجلی جھلک گئی

کب تک یہ جھوٹی آس کہ اب آئے وہ اب آئے

پلکیں جھکیں پپوٹے تنے آنکھ تھک گئی

کھلنا کہیں چھپا بھی ہے چاہت کے پھول کا

لی گھر میں سانس اور گلی تک مہک گئی

آنسو رکے تھے آنکھ میں دھڑکن کا ہو برا

ایسی تکان دی کی پیالی چھلک گئی

میری سنک بھی بڑھتی ہے ان کی ہنسی کے ساتھ

چٹکی کلی کہ پاؤں کی بیڑی کھڑک گئی

pani mein ag dhyan se tere bharak gai

ansu mein kaundti hui bijli jhalak gai

kab tak ye jhuti as ke ab ae wo ab ae

palken jhuken papote tane ankh thak gai

khulna kahin chhupa bhi hai chahat ke phul ka

li ghar mein sans aur gali tak mahak gai

ansu ruke the ankh mein dharkan ka ho bura

aisi takan di ki piyali chhalak gai

meri sank bhi barhti hai un ki hansi ke sath

chutki kali ke paon ki beri kharak gai