پتلی کی عوض ہوں بت‌ رعناۓ بنارس

پتلی کی عوض ہوں بت‌ رعناۓ بنارس

اللہ پھر ان آنکھوں کو دکھلائے بنارس

روتا ہوں بنارس کے تصور میں شب و روز

اے ہندؤو دیکھو یہ ہے دریاۓ بنارس

میری یہ وصیت سے کہ مر جاؤں اگر میں

تو باد صبا خاک کو پہنچائے بنارس

ہے کعبہ مقصود فقط کوچۂ دل‌‌ دار

کافر ہوں جو مجھ کو ہو تمناۓ بنارس

ناظم ہو محمد کا اگر لکھنؤ جاؤں

اس ملک میں ہوں معدلت آراۓ بنارس

کعبہ میں دعا مانگوں گا میں اپنے خدا سے

یا رب بت کافر مجھے بلوائے بنارس

بنگل کو روانہ ہوں رقیبان سیہ رو

میرے لیے ہو مسکن‌ و ماوائے بنارس

میں خوش ہوں تو آباد رہے ورنہ الٰہی

پھر پیپے سے باروت کے اوڑھ جائے بنارس

جب سے مجھے قسمت نے بنارس سے چھڑایا

رہتا ہے زباں پر مرے بس ہائے بنارس

اک گیسوؤں والے کی محبت کا پڑا پیچ

پہلے تو نہ تھا مجھ کو یہ سوداۓ بنارس

اے مہرؔ توارد ہوں جو مضموں تو بجا ہے

میں اور حزیںؔ دونوں ہیں شہدائے‌ بنارس

putli ki ewaz hun but-e-raana-e-banaras

allah phir in ankhon ko dikhlae banaras

rota hun banaras ke tasawwur mein shab-o-roz

ai handoo dekho ye hai dariya-e-banaras

meri ye wasyyat se ke mar jaun agar main

tu bad-e-saba khak ko pahunchae banaras

hai kaaba-e-maqsud faqat kucha-e-dil dar

kafir hun jo mujh ko ho tamanna-e-banaras

nazim ho mohammad ka agar lakhnau jaun

is mulk mein hun maadilat ara-e-banaras

kaaba mein dua mangunga main apne khuda se

ya rab but-e-kafir mujhe balwa-e-banaras

bangul ko rawana hun raqiban-e-siyah ru

mere liye ho maskan-o-mawa-e-banaras

main khush hun to abad rahe warna ilahi

phir pipe se barut ke orh jae banaras

jab se mujhe qismat ne banaras se chhuraya

rahta hai zaban par mire bas hae banaras

ik gesuon wale ki mohabbat ka para pech

pahle to na tha mujh ko ye sauda-e-banaras

ai mehr tawarud hun jo mazmun to baja hai

main aur hazin donon hain shuhada-e-banaras