پردہ الٹ کے اس نے جو چہرا دکھا دیا

پردہ الٹ کے اس نے جو چہرا دکھا دیا

رنگ رخ بہار گلستاں اڑا دیا

وحشت میں قید دیر و حرم دل سے اٹھ گئی

حقا کہ مجھ کو عشق نے رستا بتا دیا

پھر جھانک تاک آنکھوں نے میری شروع کی

پھر غم کا میرے نالوں نے لگا لگا دیا

انگڑائی دونوں ہاتھ اٹھا کر جو اس نے لی

پر لگ گئے پروں نے پری کو اڑا دیا

سیکھی ہے اس جوان نے پیر فلک کی چال

ہر پھر کے مجھ کو خاک میں آخر ملا دیا

وہ سیر کو جو آئے تو صدقہ میں ان کو برقؔ

ہر ایک گل نے طائر نکہت اڑا دیا

parda ulat ke us ne jo chehra dikha diya

rang-e-rukh bahar-e-gulistan ura diya

wahshat mein qaid dair-o-haram dil se uth gai

haqqa ke mujh ko ishq ne rasta bata diya

phir jhank tak ankhon ne meri shuru ki

phir gham ka mere nalon ne laga laga diya

angrai donon hath utha kar jo us ne li

par lag gae paron ne pari ko ura diya

sikhi hai is jawan ne pir-e-falak ki chal

har phir ke mujh ko khak mein akhir mila diya

wo sair ko jo ae to sadqa mein un ko barq

har ek gul ne tair-e-nikhat ura diya