پرتو ساغر صہبا کیا تھا

پرتو ساغر صہبا کیا تھا

رات اک حشر سا برپا کیا تھا

کیوں جوانی کی مجھے یاد آئی

میں نے اک خواب سا دیکھا کیا تھا

حسن کی آنکھ بھی نمناک ہوئی

عشق کو آپ نے سمجھا کیا تھا

عشق نے آنکھ جھکا لی ورنہ

حسن اور حسن کا پردا کیا تھا

کیوں مجازؔ آپ نے ساغر توڑا

آج یہ شہر میں چرچا کیا تھا

partau saghar-e-sahba kya tha

rat ik hashr sa barpa kya tha

kyun jawani ki mujhe yad ai

main ne ik khwab sa dekha kiya tha

husn ki ankh bhi namnak hui

ishq ko ap ne samjha kiya tha

ishq ne ankh jhuka li warna

husn aur husn ka parda kya tha

kyun majaz ap ne saghar tora

aj ye shahr mein charcha kya tha