وہی لوگ پھر آنے جانے لگے

وہی لوگ پھر آنے جانے لگے

مرے پاس کیوں آپ آنے لگے

کوئی ایسے سے کیا شکایت کرے

بگڑ کر جو باتیں بنانے لگے

یہ کیا جذب دل کھینچ لایا انہیں

مرے خط مجھے پھر کے آنے لگے

ابھی تو کہا ہی نہیں میں نے کچھ

ابھی تم جو آنکھیں چرانے لگے

ہمارے ہی آگے گلے غیر کے

ہماری ہی طرزیں اڑانے لگے

نہ بن آیا جب ان کو کوئی جواب

تو منہ پھیر کر مسکرانے لگے

wahi log phir ane jane lage

mire pas kyun ap ane lage

koi aise se kya shikayat kare

bigar kar jo baten banane lage

ye kya jazb-e-dil khinch laya unhen

mire khat mujhe phir ke ane lage

abhi to kaha hi nahin main ne kuchh

abhi tum jo ankhen churane lage

hamare hi age gale ghair ke

hamari hi tarzen urane lage

na ban aya jab un ko koi jawab

tu munh pher kar muskurane lage