وہی صبح کا دھندھلکا وہی منزلیں وہی شب

وہی صبح کا دھندھلکا وہی منزلیں وہی شب

کوئی کیا سمجھ سکے گا غم زندگی کا مطلب

مری بے قراریاں ہیں مری زندگی کا حاصل

یہی مسلک محبت یہی اہل دل کا مذہب

مرے غم کی پرسشوں سے انہیں اجتناب کیوں ہے

وہ سمجھ گئے ہیں شاید مری ہر نظر کا مطلب

غم دل ہے راز ہستی نہ بلندیاں نہ پستی

یہ حقیقتیں تو سمجھا دل بے خبر مگر کب

نہ مری خزاں مقرر نہ مری بہار قائم

جو مجھے ملی ہے یہ بھی کوئی زندگی ہے یا رب

میں حدیث غم سناؤں میں وفا کا ساز چھیڑوں

جو زباں نہ کھل سکی تو جو کسی نے سی دئے لب

کوئی ہوشؔ کہہ سکا ہے غم دل کبھی زباں سے

وہ سوال کر رہے ہیں میں کہوں تو کیا کہوں اب

wahi subh ka dhandhalka wahi manzilen wahi shab

koi kya samajh sakega gham-e-zindagi ka matlab

miri be qarariyan hain miri zindagi ka hasil

yahi maslak-e-mohabbat yahi ahl-e-dil ka mazhab

mire gham ki pursishon se unhen ijtinab kyun hai

wo samajh gae hain shayad miri har nazar ka matlab

gham-e-dil hai raz-e-hasti na bulandiyan na pasti

ye haqiqaten to samjha dil-e-be khabar magar kab

na miri khizan muqarrar na miri bahar qaim

jo mujhe mili hai ye bhi koi zindagi hai ya rab

main hadis-e-gham sunaun main wafa ka saz chherun

jo zaban na khul saki to jo kisi ne si diye lab

koi hosh kah saka hai gham-e-dil kabhi zaban se

wo sawal kar rahe hain main kahun to kya kahun ab