وہی میری نا مرادی وہی گردش زمانہ

وہی میری نا مرادی وہی گردش زمانہ

مری زندگی تصور مری عشرتیں فسانہ

نہ حضوریوں کی خواہش نہ وصال کی تمنا

مجھے اب بھی ہے تعارف وہی ان سے غائبانہ

جو تجھے خیال ہوتا یہ مرا نہ حال ہوتا

نہ تری نگاہ بدلی نہ بدل سکا زمانہ

یہ جہاں کی ایک کروٹ یہ خزاں کا ایک دھوکا

یہ ہوائیں بھیگی بھیگی یہ بہار کا ترانہ

کوئی خواب تھا یہ شاید جو نظر میں پھر رہا ہے

وہ مری نیاز مندی وہ کسی کا آستانہ

نہ ترا سراغ پایا نہ سکوں کا راز پایا

مری زندگی تھی گویا غم دل کا اک بہانہ

مری آرزوئے رسوا نہ چھپے گی ہوشؔ مجھ سے

کہ مری نگاہ میں ہے مرے درد کا فسانہ

wahi meri na muradi wahi gardish-e-zamana

miri zindagi tasawwur miri ishraten fasana

na huzuriyon ki khwahish na wisal ki tamanna

mujhe ab bhi hai taaruf wahi un se ghaibana

jo tujhe khayal hota ye mira na hal hota

na tiri nigah badli na badal saka zamana

ye jahan ki ek karwat ye khizan ka ek dhoka

ye hawaen bhigi bhigi ye bahar ka tarana

koi khwab tha ye shayad jo nazar mein phir raha hai

wo miri niyaz-e-mandi wo kisi ka astana

na tira suragh paya na sakun ka raz paya

miri zindagi thi goya gham-e-dil ka ik bahana

miri arzu-e-ruswa na chhupegi hosh mujh se

ke miri nigah mein hai mire dard ka fasana