وہ ہے حیرت فزائے چشم معنی سب نظاروں میں

وہ ہے حیرت فزائے چشم معنی سب نظاروں میں

تڑپ بجلی میں اس کی اضطراب اس کا ستاروں میں

مدد اے اضطراب شوق تو جان تمنا ہے

نکل اے صبر تیرا کام کیا ہے بے قراروں میں

یہ کس کا نام لے کر جان دی بیمار الفت نے

یہ کس ظالم کا چرچا رہ گیا تیمارداروں میں

ذرا سی چھیڑ بھی کافی ہے مضراب محبت کی

کہ نغمے مضطرب ہیں بربط ہستی کے تاروں میں

کہاں کا شغل اب تو دور ہے خوننابۂ غم کا

وہی قسمت میں تھی جو پی چکے اگلی بہاروں میں

wo hai hairat faza-e-chashm-e-maani sab nazaron mein

tarap bijli mein us ki iztirab us ka sitaron mein

madad ai iztirab-e-shauq to jan-e-tamanna hai

nikal ai sabr tera kam kya hai be qararon mein

ye kis ka nam le kar jan di bimar ulfat ne

ye kis zalim ka charcha rah gaya timardaron mein

zara si chher bhi kafi hai mizrab-e-mohabbat ki

ke naghme muztarib hain barbat-e-hasti ke taron mein

kahan ka shaghl ab to dur hai khonnaba-e-gham ka

wahi qismat mein thi jo pi chuke agli baharon mein