وہ کیا لکھتا جسے انکار کرتے بھی حجاب آیا

وہ کیا لکھتا جسے انکار کرتے بھی حجاب آیا

جواب خط نہیں آیا تو یہ سمجھو جواب آیا

قریب صبح یہ کہہ کر اجل نے آنکھ جھپکا دی

ارے او ہجر کے مارے تجھے اب تک نہ خواب آیا

دل اس آواز کے صدقے یہ مشکل میں کہا کس نے

نہ گھبرانا نہ گھبرانا میں آیا اور شتاب آیا

کوئی قتال صورت دیکھ لی مرنے لگے اس پر

یہ موت اک خوشنما پردے میں آئی یا شباب آیا

پرانے عہد ٹوٹے ہو گئے پیماں نئے قائم

بنا دی اس نے دنیا دوسری جو انقلاب آیا

گزر گاہ محبت بن گئی اک مستقل بستی

لگا کر آگ آیا گھر کو جو خانہ خراب آیا

معمہ بن گیا راز محبت آرزوؔ یوں ہی

وہ مجھ سے پوچھتے جھجکے مجھے کہتے حجاب آیا

wo kya likhta jise inkar karte bhi hijab aya

jawab-e-khat nahin aya to ye samjho jawab aya

qarib-e-subh ye kah kar ajal ne ankh jhapka di

are o hijr ke mare tujhe ab tak na khwab aya

dil is awaz ke sadqe ye mushkil mein kaha kis ne

na ghabrana na ghabrana mein aya aur shitab aya

koi qital surat dekh li marne lage us par

ye maut ik khushnuma parde mein ai ya shabab aya

purane ahd tute ho gae paiman nae qaim

bana di us ne duniya dusri jo inqilab aya

guzar gah-e-mohabbat ban gai ik mustaqil basti

laga kar ag aya ghar ko jo khana kharab aya

muamma ban gaya raz-e-mohabbat arzu yun hi

wo mujh se puchhte jhijke mujhe kahte hijab aya