وہی راتیں آئیں وہی زاریاں

وہی راتیں آئیں وہی زاریاں

وہی پھر سحر تک کی بیداریاں

پری حور انساں کسی میں نہیں

جو دیکھی ہیں تجھ میں ادا داریاں

میں کافر ہوں پر دیکھ سکتا نہیں

کمر سے تری ربط زناریاں

نہ تھے داغ سینے کے اتنے گھنے

یہ ہیں دست قدرت کی گل کاریاں

ہم اک روز جی سے گزر جائیں گے

رہیں یوں ہی گر نت کی بے زاریاں

بہاریں کہاں ابر گلنار کی

کہاں میری مژگاں کی خوں باریاں

نہ سجدوں سے حاصل ہوا وصل یار

میں کعبے میں بھی ٹکریں ماریاں

مواقیس جس دم تو ثابت ہوئیں

سوا عشق کے کتنی بیماریاں

تو کیسی بلا میں پھنسا مصحفیؔ

ہوئیں کیا دوانے وہ ہشیاریاں

wahi raten aen wahi zariyan

wahi phir sahar tak ki bedariyan

pari hur-e-insan kisi mein nahin

jo dekhi hain tujh mein ada dariyan

main kafir hun par dekh sakta nahin

kamar se tiri rabt zunnariyan

na the dagh sine ke itne ghane

ye hain dast-e-qudrat ki gul kariyan

ham ik roz ji se guzar jaenge

rahen yun hi gar nit ki be zariyan

baharen kahan abr gulnar ki

kahan meri mizhgan ki khun bariyan

na sajdon se hasil hua wasl-e-yar

main kaabe mein bhi takren mariyan

muaqais jis dam to sabit huin

siwa ishq ke kitni bimariyan

tu kaisi bala mein phansa mushafi

huin kya diwane wo hushyariyan