وہ کون دل ہے جہاں جلوہ گر وہ نور نہیں

وہ کون دل ہے جہاں جلوہ گر وہ نور نہیں

اس آفتاب کا کس ذرہ میں ظہور نہیں

کوئی شتاب خبر لو کہ بے نمک ہے بہار

چمن کے بیچ دوانوں کا اب کے شور نہیں

تجلیوں سے پہنچتا ہے کب اسے آسیب

صنم کدہ ہے نہ آخر یہ کوہ طور نہیں

ترے سفر کی خبر سن کے جان دھڑکوں سے

جو پہنچوں مرگ کے نزدیک میں تو دور نہیں

کوئی بھی دیتا ہے لڑکوں کے ہاتھ شیشۂ دل

یقیںؔ میں غور سے دیکھا تو کچھ شعور نہیں

wo kaun dil hai jahan jalwa gar wo nur nahin

is aftab ka kis zarra mein zuhur nahin

koi shitab khabar lo ke be namak hai bahar

chaman ke bich diwanon ka ab ke shor nahin

tajalliyon se pahunchta hai kab use aseb

sanam kada hai na akhir ye koh-e-tur nahin

tire safar ki khabar sun ke jan dharkon se

jo pahunchun marg ke nazdik mein to dur nahin

koi bhi deta hai larkon ke hath shisha-e-dil

yaqin mein ghaur se dekha to kuchh shuur nahin