وہ یہ کہتے ہیں زمانے کی تمنا میں ہوں

وہ یہ کہتے ہیں زمانے کی تمنا میں ہوں

کیا کوئی اور بھی ایسا ہے کہ جیسا میں ہوں

اپنے بیمار محبت کا مداوا نہ ہوا

اور پھر اس پہ یہ دعویٰ کہ مسیحا میں ہوں

عکس سے اپنے وہ یوں کہتے ہیں آئینہ میں

آپ اچھے ہیں مگر آپ سے اچھا میں ہوں

کہتے ہیں وصل میں سینے سے لپٹ کر میرے

سچ کہو دل تمہیں پیارا ہے کہ پیارا میں ہوں

وہ ستاتا ہے الگ چرخ ستم گار الگ

سیکڑوں دشمن جاں ہیں مرے تنہا میں ہوں

بخت برگشتہ وہ ناراض زمانہ دشمن

کوئی میرا ہے نہ اے ہجرؔ کسی کا میں ہوں

wo ye kahte hain zamane ki tamanna mein hun

kya koi aur bhi aisa hai ke jaisa mein hun

apne bimar-e-mohabbat ka mudawa na hua

aur phir us pe ye daawa ke masiha mein hun

aks se apne wo yun kahte hain aina mein

ap achchhe hain magar ap se achchha mein hun

kahte hain wasl mein sine se lipat kar mere

sach kaho dil tumhen pyara hai ke pyara mein hun

wo satata hai alag charkh-e-sitam gar alag

saikron dushman-e-jan hain mire tanha mein hun

bakht-e-bargashta wo naraz zamana dushman

koi mera hai na ai hijr kisi ka main hun