وہ کیا دن تھے جو قاتل بن دل رنجور رو دیتا

وہ کیا دن تھے جو قاتل بن دل رنجور رو دیتا

مرا ہر زخم جوں وہ تیغ ہوتی دور، رو دیتا

عجب ڈھوری لگن میری کی تھی اس شمع سرکش کو

کہ میرا دیکھتا جب عجز وہ مغرور رو دیتا

ہمارے شہر درد آباد میں لوہو کے آنسو سے

وہاں کا دار جب سولی دیا منصور رو دیتا

مثال صبح شبنم ریز جو سورج کا برقعہ ہے

چھڑکتا جب وہ میرے داغ دل پر شور رو دیتا

جو ہوتی وہ پلک نشتر سحاب چشم کی رگ پر

مرے سیلاب اشک آگے ندی کا پور رو دیتا

نہ نکلا گھر سے ورنہ نعش میری خاک راہ اوپر

پڑی گر دیکھتا عزلتؔ وہ رشک حور رو دیتا

wo kya din the jo qatil ban dil-e-ranjur ro deta

mira har zakhm jun wo tegh hoti dur, ro deta

ajab dhori lagan meri ki thi is shama sarkash ko

ke mera dekhta jab ijz wo maghrur ro deta

hamare shahr dard abad mein lohu ke ansu se

wahan ka dar jab suli diya mansur ro deta

misal-e-subh shabnam rez jo suraj ka barqaaa hai

chhirakta jab wo mere dagh-e-dil pur shor ro deta

jo hoti wo palak nashtar sahab-e-chashm ki rag par

mire sailab ashk age nadi ka por ro deta

na nikla ghar se warna naash meri khak-e-rah upar

pari gar dekhta uzlat wo rashk-e-hur ro deta