تا بہ مقدور انتظار کیا

تا بہ مقدور انتظار کیا

دل نے اب زور بے قرار کیا

دشمنی ہم سے کی زمانے نے

کہ جفاکار تجھ سا یار کیا

یہ توہم کا کارخانہ ہے

یاں وہی ہے جو اعتبار کیا

ایک ناوک نے اس کی مژگاں کے

طائر سدرہ تک شکار کیا

صد رگ جاں کو تاب دے باہم

تیری زلفوں کا ایک تار کیا

ہم فقیروں سے بے ادائی کیا

آن بیٹھے جو تم نے پیار کیا

سخت کافر تھا جن نے پہلے میرؔ

مذہب عشق اختیار کیا

ta ba maqdur intizar kiya

dil ne ab zor-e-be qarar kiya

dushmani ham se ki zamane ne

ke jafakar tujh sa yar kiya

ye tawahhum ka karkhana hai

yan wahi hai jo etibar kiya

ek nawak ne us ki mizhgan ke

tair-e-sidra tak shikar kiya

sad rag-e-jan ko tab de baham

teri zulfon ka ek tar kiya

ham faqiron se be adai kya

an baithe jo tum ne pyar kiya

sakht kafir tha jin ne pahle mir

mazhab-e-ishq ikhtiyar kiya