وہ مژہ مارتی کٹاری ہے

وہ مژہ مارتی کٹاری ہے

چشم بددور زخم کاری ہے

آنکھیں چمکا گیا وہ برق آسا

دل مرا وقف بے قراری ہے

قیس باد صبا ہے بو لیلیٰ

شاخ گل نافہ کی سواری ہے

زلف تک گو نہ پہونچا شانہ وار

ہاتھ کو پر امیدواری ہے

دل پہ چڑھتی نہیں کوئی تدبیر

میری تقدیر وہ اتاری ہے

دوستوں سے ہے ان کی عیاری

اور اعدا سے دوست داری ہے

دم سمجھتا ہے اے وقارؔ وہ شوخ

میری دو دن سے دم شماری ہے

wo mizha marti katari hai

chashm-e-baddur zakhm-e-kari hai

ankhen chamka gaya wo barq asa

dil mira waqf-e-be qarari hai

qais bad-e-saba hai bu laila

shakh-e-gul nafa ki sawari hai

zulf tak go na pahuncha shana war

hath ko par umidwari hai

dil pe charhti nahin koi tadbir

meri taqdir wo utari hai

doston se hai un ki ayyari

aur aada se dost dari hai

dam samajhta hai ai waqar wo shokh

meri do din se dam shumari hai