وہ مے پرست ہوں بدلی نہ جب نظر آئی

وہ مے پرست ہوں بدلی نہ جب نظر آئی

سمٹ گئیں جو سیہ کاریاں گھٹا چھائی

سفید بال ہوئے شب ہوئی جوانی کی

دمیدہ صبح ہوئی چونک سر پہ دھوپ آئی

حرم میں خاک ہوا ہوں وہ عاشق برباد

میان دیر ہواے بتاں اڑا لائی

میں وہ ہوں بلبل باغ جہاں کوئی گل ہو

دیا دل اس کو محبت کی جس میں بو پائی

چمن میں جا کے جو پوچھا بہار گل کا ثبات

کھلی نہ تھی جو کلی مسکرا کے مرجھائی

حصار حسن کے ہالے میں منہ نظر آیا

ملا کے ہاتھ جو لی اس حسیں نے انگڑائی

میں وہ کسان ہوں کھیتی پہ برق نے جس کی

دعا جو مینہ کے لیے کی تو آگ برسائی

رہے مدام یوں ہی عشق میں تہ و بالا

جو غم سے بیٹھ گیا دل تو اٹھنے آنکھ آئی

wo mai parast hun badli na jab nazar ai

simat gain jo siyah kariyan ghata chhai

safed bal hue shab hui jawani ki

damida subh hui chaunk sar pe dhup ai

haram mein khak hua hun wo ashiq-e-barbad

miyan-e-dair hoai butan ura lai

main wo hun bulbul bagh-e-jahan koi gul ho

diya dil us ko mohabbat ki jis mein bu pai

chaman mein ja ke jo puchha bahar-e-gul ka sabat

khuli na thi jo kali muskura ke murjhai

hisar-e-husn ke hale mein munh nazar aya

mila ke hath jo li is hasin ne angrai

main wo kisan hun kheti pe barq ne jis ki

dua jo menh ke liye ki to ag barsai

rahe mudam yun hi ishq mein tah-o-bala

jo gham se baith gaya dil to uthne ankh ai