وہ چل کے ناز سے اے دل ادھر کو دیکھتے ہیں

وہ چل کے ناز سے اے دل ادھر کو دیکھتے ہیں

ہم ان کی چال کو ان کی نظر کو دیکھتے ہیں

ہم ان کی آنکھ کو ان کی نظر کو دیکھتے ہیں

وہ بزم غیر میں دیکھیں کدھر کو دیکھتے ہیں

سمجھ میں کچھ نہیں آتا یہ کیا قیامت ہے

سب اہل حشر اسی فتنہ گر کو دیکھتے ہیں

نہ اس نے جان چرائی نہ اس نے منہ موڑا

ہم ان کی تیغ کو اپنے جگر کو دیکھتے ہیں

ہماری طرح کسی کو یہ کیا اجاڑے گا

فلک کو دیکھ کے ہم اپنے گھر کو دیکھتے ہیں

ہمارا حال کوئی دیکھتا نہیں صفدرؔ

سب اہل بزم انہیں کی نظر کو دیکھتے ہیں

wo chal ke naz se ai dil idhar ko dekhte hain

ham un ki chal ko un ki nazar ko dekhte hain

ham un ki ankh ko un ki nazar ko dekhte hain

wo bazm-e-ghair mein dekhen kidhar ko dekhte hain

samajh mein kuchh nahin ata ye kya qayamat hai

sab ahl-e-hashr isi fitna gar ko dekhte hain

na us ne jan churai na us ne munh mora

ham un ki tegh ko apne jigar ko dekhte hain

hamari tarah kisi ko ye kya ujarega

falak ko dekh ke ham apne ghar ko dekhte hain

hamara hal koi dekhta nahin safdar

sab ahl-e-bazm unhen ki nazar ko dekhte hain